LyricsHemmige

Mani Matter

Last update on: June 10, 2020
1 Translation available1 Translation available

S'git lüt, die würden alletwäge nie Es lied vorsinge, so win ig jitz hie Eis singen um kei prys, nei bhüetis nei

Wil si hemmige hei Si wäre vilicht gärn im grund gno fräch Und dänke, das syg ires grosse päch Und s'laschtet uf ne win e schwäre stei Dass si hemmige hei I weis, das macht eim heiss, verschlat eim d'stimm Doch dünkt eim mängisch o s'syg nüt so schlimm S'isch glych es glück, o we mirs gar nid wei Das mir hemmige hei Was unterscheidet d'mönsche vom schimpans S'isch nid die glatti hut, dr fählend schwanz Nid dass mir schlächter d'böim ufchöme, nei Dass mir hemmige hei Me stell sech d'manne vor, wenns anders wär Und s'chäm es hübsches meiteli derhär Jitz luege mir doch höchstens chly uf d'bei Wil mir hemmige hei Und we me gseht, was hütt dr mönschheit droht So gseht me würklech schwarz, nid nume rot Und was me no cha hoffen isch alei Dass si hemmige hei

1 Translation available1 Translation available
  • 0

Last activities

Synced byNjoy
Translated byMartin Born

Musixmatch for Spotify and
Apple Music is now available for
your computer

Download now