LetraI han es Zündhölzli azündt

Mani Matter

  • Escrita por:
Última actualización realizada el: 2 de enero de 2021
No hay traducciones disponiblesNo hay traducciones disponibles

I han es Zündhölzli azündt Und das het e Flamme gäh Und i ha für d'Zigarette

Welle Füür vom Hölzli näh Aber s'Hölzli isch dervo Gspickt und uf e Deppich cho Und es hätt no fasch es Loch in Deppich gäh dervo Ja me weis was cha passiere We me nit ufpasst mit Füür Und für d'Gluet and' Zigarette Isch e Deppich doch denn z'tüür Und vom Deppich hätt o Grus Chönne s'Füür is ganze Hus Und wär weis, was da nit no wär worde drus S'hätt e Brand gäh im Quartier Und s'hätti d'Füürwehr müesse cho Hätti ghornet i de Strasse Und dr Schluuch vom Wage gno Und sie hätte Wasser gsprützt Und das hätti glych nüt gnützt Und die ganzi Stadt hätt brönnt, es hätt si nüt meh gschützt Und d'Lüt wären umenandgsprunge I dr Angscht um Hab und Guet Hätte gmeint s'heig eine Füür gleit Hätte d'Sturmgwehr gno ir Wuet Alls hätt' brielet: Wär isch tschuld? Ds ganze Land in eim Tumult Dass me gschosse hätt uf d'Bundesrät am Rednerpult D'UNO hätt interveniert Und d'UNO-Gägner sofort o Für ir'd Schwyz dr Fride z'rette Wäre beid mit Panzer cho S'hätt sech usdehnt nad inah uf Europa, Afrika S'hätt e Wältchrieg gäh und d'Mönschheit wär jitz nümme da Ja I han es Zündhölzli azündt Und das het e Flamme gäh Und i ha für d'Zigarette Welle Füür vom Hölzli näh Aber ds Hölzli isch dervo- Gspickt und uf de Deppich cho - Gottseidank dass i's vom Deppich wider furt ha gno

No hay traducciones disponiblesNo hay traducciones disponibles
  • 0

Últimas actividades

Sincronizada porMartin Christen

Musixmatch para Spotify y
Apple Music ya está disponible para
tu computadora

Descargar ahora